Свет
9. August 2018 - 20:34

Пенс: САД ќе формираат Вселенски сили до 2020 година

Американскиот потпретседател Мајк Пенс денеска ги објави плановите за формирање на шестти род на армијата така наречени Вселенски сили до 2020 година.

- Потребно да се обезбеди доминација на САД во Вселената, по зголемената конкуренција и порастот на закани од Кина и од Русија, истакна Пенс.

Тој формирањето на Всленеските сили го опиша како „идеја, на која и е дојдено времето“ за реализација.

Американскиот претседател Доналд Трамп неодамна најави формирање на „одвоени, но еднакви“ Вселенски сили.

За каков било предлог за формирање на нови Вселенски сили потребно е да се изјасни Конгресот.