Пендаровски во Париз предаде копија од книгата на Глигоров „Македонија е се што имаме“
Шефот на државата Стево Пендаровски во библиотеката на Парискиот мировен форум даде копија од книгата „Македонија е се што имаме“ од првиот претседател на независна Република Македонија Киро Глигоров.
Пендаровски на својот профил на социјалната мрежа Фејсбук порача дека наследството од Глигоров треба да биде водилка за одговорност пред граѓаните да се развива општество на соживот и просперитет насочено кон евроатлантското семејство.
– Во библиотеката на Парискиот мировен форум дадов копија од книгата „Македонија е се што имаме“ од првиот претседател на независна Република Македонија Киро Глигоров. Таа е добар потсетник како во 1990-тите во време на конфликти на Балканот, се изборивме за самостојност и меѓународно признавање, процеси кои немаше да се случат без лидерството на претседателот Глигоров. Неговото наследство треба да биде водилка за сите што доаѓаме после него посетувајќи не дека имаме одговорност пред граѓаните да развиваме општество на соживот и просперитет насочено кон евроатлантското семејство, стои во објавата на Пендаровски на Фејсбук.
Претседателот Пендаровски вчера учествуваше на Парискиот мировен форум, а во тек на посетата на Франција имаше средба со неговиот француски колега Емануел Макрон.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација