Македонија
30. April 2019 - 12:43

Пендаровски во Куманово, Силјановска во Ѓорче Петров

Двајцата кандидатите за претседател на државата кои влегова во вториот круг на изборите и денеска во рамки на кампањата ќе ги претстават своите изборни програми на средби со граѓани и митинзи.

Кандидатот на СДСМ и Коалицијата, Стево Пендаровски вечерва во 20:10 часот ќе се обрати на  граѓанска трибина на градскиот плоштад во Куманово.

Претходно, Пендаровски во 12:30 часот во Куманово во салата во Комитет ќе има средба со претставници на помалите етнички заедници во земјава, потоа во 14:15 часот ќе биде со граѓаните во центарот на Липково.

Кандидатката на ВМРО-ДПМНЕ и Коалицијата, Гордана Силјановска Давкова денеска има средби со граѓани и со претставници на политички партии.

Во 11:30 часот во просториите на „Левица“ ќе оствари средба со претставници на партијата, во 13:30 часот ќе се одржи добротворен настан „Да бидеме хумани – подготви оброк со Гога“ во Граѓанскиот штаб на Рекорд, а во 19:00 часот ќе се оврати на трибина во Општина Ѓорче Петров (парк Ѓорче) насловена „Со гласање до одлука за нашата судбина“.