Пендаровски утре во официјална посета на Република Србија
Претседателот на Република Македонија Стево Пендаровски утре и задутре ќе престојува во официјална посета на Република Србија каде ќе биде примен со највисоки државни и воени почести од претседателот на Република Србија Александар Вучиќ.
Пендаровски, утре во Палата Србија во Белград, како што најавуваат од неговиот кабинет, ќе има тет-а-тет средба со српскиот претседател Вучиќ, по што ќе следува и пленарен состанок меѓу делегациите на Република Македонија и на Република Србија.
Предвидено е претседателот Пендаровски да оствари средба и со претседателката на Владата на Република Србија, Ана Брнабиќ, и со претседателката на Народното собрание на Република Србија, Маја Гојковиќ.
Во рамки на официјалната посета, Пендаровски ќе оствари средба и со претседателот на Стопанската комора на Република Србија, Марко Чадеж и српски стопанственици.
Во сабота, Пендаровски во Нови Сад ќе учествува на 4. Регионален младински форум и ќе се обрати на претседателскиот панел „Обраќање на младите пред претставниците на влаcта: презентирање на политичкиот дијалог пред милениумците“, заедно со претседателот на Република Србија, Александар Вучиќ и претседателот на Република Словенија, Борут Пахор.
Ново на Сител
-
Законот за попис на гласање
-
Струшкото обвинителство отвори предмет за палењето на бугарското знаме во Вевчани, се бара сторителот
-
Државниот врв со осуда за палењето на бугарското знаме во Вевчани по реакциите од Бугарија
-
Трогателно сведоштво на трудницата од Струга
-
Стевановиќ: Ковид-19 предизвика најмногу компликации кај пациентите од 40-50 години
-
Ковид пациентите останаа без Клексан
-
Државни патишта со најголема добивка, потребни ли се нови патарини!?
-
Директорот на индустриските зони очекува повисоки плати за вработените