-->
-->
Пендаровски се сретна со претседателката на српското Народно собрание Гојковиќ
-->
Претседателот Стево Пендаровски, во рамки на официјалната посета на Република Србија, денеска се сретна со претседателката на српското Народно собрание Маја Гојковиќ.
На средбата, како што соопшти кабинетот на Пендаровски, биле разменети мислења за билатералните односи меѓу Македонија и Србија, а од страна на претседателот Пендаровски било изразено уверување дека традиционалното пријателство, засновано на взаемна почит и разбирање и натаму ќе се продлабочува, имајќи предвид дека двете земји имаат долга заедничка историска и културна традиција и споделени цели за европска интеграција.
Во рамки на разговорите станало збор и за добрата парламентарна соработка меѓу двете земји, како и парламентарната димензија на претпристапниот процес за членство во ЕУ и искуствата кои би можеле да се разменуваат меѓу двете земји со оглед на заедничката стратешка цел за членство во Европската Унија.
Претседателот Пендаровски и претседателката на српското собрание Гојковиќ се осврнале и на актуелните состојби во регионот, при што претседателот Пендаровски ја нагласи потребата од изнаоѓање темелни и одржливи решенија на регионалните прашања со цел трајна стабилност и просперитет на целиот регион.
-->
-->
-->
Ново на Сител
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка