Пендаровски се преселил во вилата на Водно за обезбедување да не пречи на соседите
Стево Пендаровски, новиот претседател на Македонија, во разговор во емисијата „360 Степени“ на телевизија Алсат рече дека се преселил во претседателската резиденција на Водно затоа што не сакал неговото обезбедување да им пречи на соседите.
- Во мојата зграда има уште 19 стана во влезот и плус дополнителни два влеза. Според безбедносните правила, тоа ќе значи и промена на режимот на слободно движење на соседите. Затоа не сакав да им биде некомотно - рече Пендаровски, кој инаку е со адреса на живеење во скопска Автокоманда пред да се пресели со своето семејство во Вила Водно.
Додаде дека фамозното „југо“ кое е пријавено во неговиот имотен лист е целосно надвор од функција.
Додаде дека кога ќе поминува со својата делегација ќе бара што помалку безбедносни протоколи за да не го попречува сообраќајот и да создава поголем метеж.
Рече дека негов приоритет ќе биде и да остварува поблиска комуникација со опозицијата.
- Моја задача ќе биде да ја кренам опозицијата, да ја заштитам и да ја консултирам - изјави тој.
Ново на Сител
-
Teма на денот со Владо Мисајловски, потпретседател на ВМРО-ДПМНЕ
-
Тројца приведени за убиството на матичниот доктор кај поликлиниката Железара – мотивот се уште непознат
-
Предизборно финале - партиите ги финализираат листите
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај
-
ОЛАФ бара од Македонија да врати 2,2 милиони евра - злоупотребени пари од Еразмус плус