Пендаровски: Последните анкети покажуваат дека имам поддршка и од неопределените
Кандидатот за претседател на СДСМ и коалицијата, Стево Пендаровски вечерва истакна дека е задоволен од последните анкети, бидејќи според него, покажуваат дека добива поддршка и од неопределените.
-Јас сум задоволен од бројките на анкетите. Јас имам солидна бројка на гласачи Македонци и Албанци. Мојот рејтинг во моментов е поголем од партискиот рејтинг на СДСМ и е поголем од рејтингот на самата коалиција. Што значи дека имам поддршка и од неопределени. Јас сум навистина задоволен што имам поддршка надвор од етничките линии. Оваа коалиција беше направена за да не се пазариме меѓу двата круга. Никој нема да биде овластен од мене да преговара за гласовите на Река, рече Пендаровски во eмисијата „Топ тема на ваша страна“ на телевизија Телма.
Изрази увереност дека амбиентот за изборите ќе биде демократски и дека и ако тој не биде избран за претседател вечерта ќе се јави и ќе честита на тој кој ќе победи.
-Мислам дека треба да воведуваме нова политичка култура, истакна Пендаровски, коментирајќи за праксата на непризнавање на избрани претседатели.
Прашан дали ако побара би дал помилување на лидерот на СДСМ, тој вели дека тоа нема да го гарантира никому.
-СЈО не смее да биде перцепирано само како механизам кој требаше поранешната власт да ја гони. Од сега натаму нам, мене, на сите, ќе ни треба едно силно СЈО, без пардон кон никого, вели Пендаровски.
Во делот на надлежностите во надворешната политика како претседател на државата, Пендаровски се осврна на, како што рече, скандалозната ситуација со испразнетите 22 амбасади во кои нема амбасадори.
-Дваесет и две амбасади во моментов немаат амбасадори. Ние сме во парадоксална ситуација бидејќи Иванов не сакаше да направи една нормална кохабитација со Владата и со Димитров. Ние немаме амбасадор во Вашингтон, најголемиот стратешки поддржувач, а парадоксот да е уште поголем ние до крајот на годината ќе бидеме и полноправна членка на НАТО, а немаме амбасадор во НАТО. Тоа е скандалозна ситуација. Ќе ги попопнуваме испразнетите амбасадорски места во соработка со оваа Влада или ако дојде некоја друга влада потоа. Интерес е на Македонија да има амбасадори во Москва, во Вашингтон, во Берлин…, вели Пендаровски.
Во врска со барањето на Турција за екстрадиција на 15 лица обвинети за тероризам, за кои е веќе почната процедурата, и дали е можно вето за членството во НАТО од Анкара, Пендаровски рече дека мора да се води сметка за нашите закони, тие не смеаат да се прекршуваат, што е вели пред предуслов, прва претпоставка и за нашите евроинтеграции.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација