Пендаровски ги прими акредитивните писма на новоименуваниот кинески амбасадор Џанг Ѕуо
Претседателот Стево Пендаровски денеска ги прими акредитивните писма од страна на Џанг Ѕуо, новоименуван амбасадор на Народна Република Кина во Република Северна Македонија.
Пендаровски, како што информираат од неговиот кабинет, на церемонијата на предавање акредитивите, посочи дека досегашната соработка меѓу двете земји е успешна, пријателска, со континуитет на размена на посети на високо ниво и конструктивен политички дијалог.
– Особено би сакал да ја издвојам соработката во рамките на „Процесот за соработка 17+1“, чија рамка дава големи можности за проширување и за продлабочување на соработката. За нас, покрај соработката во рамките на „Процесот за соработка 17+1“, од исклучителна важност е и билатералната економска соработка која на задоволство и во заемен интерес на двете држави е исклучително интензивна и успешна, изјави Пендаровски.
Претседателот Пендаровски го поздрави значајниот настан што ќе се одржи во нашата земја во ноември годинава ‒ Културниот форум за земјите од „Процесот на соработка 17+1“ и упати честитки по повод одбележувањето на 70-годишнината од постоењето на Народна Република Кина со желби за натамошен просперитет и за благосостојба на пријателскиот кинески народ.
Амбасадорот Џанг Ѕуо рече дека традиционалното пријателство меѓу Кина и Северна Македонија е длабоко и дека Кина придава големо значење на развојот на односите со Република Северна Македонија.
– Од воспоставувањето на дипломатските односи меѓу нашите земји, двете држави одржуваат блиска размена на посети на високо ниво, силна политичка меѓусебна доверба и сеопфатен развој во соработката во областа на економијата, трговијата, културната размена, образованието, науката и технологијата, како и во инфраструктурата, а сето тоа резултира со материјални придобивки за луѓето од нашите земји, истакна кинескиот амбасадор, се вели во соопштението од кабинетот на претседателот Пендаровски.
Претседателот Пендаровски на новоименуваниот амбасадор му посака успех во извршувањето на одговорната дипломатска функција.
Ново на Сител
-
СДСМ: Мнозинство од 120 пратеници не е 39 колку што има зад Мицкоски
-
Попладнево вакцинирани 11, во петок уште 29 здравствени работници од Дебар
-
Османи на министерски состанок на Алијансата за мултилатерализaм
-
Битиќи на средба со угостителите и организаторите на свадби: Здравјето е најважно, се друго ќе надоместиме заедно
-
Министерот Османи пристигна во Софија
-
Мицкоски: Цела крими коалиција заедно со народот ќе ве победам
-
Алијансата за Албанците и Алтернатива бараат судии и обвинители од ЕУ за судски случаи како „Монструм“
-
Градоначалникот на Центар Саша Богдановиќ позитивен на коронавирус