Пелоси: На Трамп нема да му биде дозволено да одржи говор во Конгресот
Претседавачката на Претставничкиот дом на Конгресот, Ненси Пелоси денеска го информира американскиот претседател Доналд Трамп дека нема да му биде дозволено да одржи говор пред Претставничкиот дом додека не заврши делумната блокада на работата на Владата.
Во писмото испратено до Трамп, Пелоси наведува дека Претставничкиот дом нема да ја разгледа резолуцијата со која на Претседателот би му било дозволено да го одржи традиционалниот говор се додека Владата не биде одблокирана.
Американскиот претседател денеска упати писмо до претседавачката на Претставничкиот дом во кое порачува дека би сакал традиционалното годишно претседателско обраќање пред Конгресот, познато како „За состојбата на Унијата“, да го одржи на 29 јануари.
– Би било тажно кога говорот за состојбата на Унијата не би се одржал на време и што е уште поважно – на вистинското место, наведува Трамп во писмото до Пелоси, чија содржина ја објави Белата куќа.
Пелоси претходно го замоли Трамп да разгледа можност за одлагање на своето годишно обраќање пред Конгресот, со образложение дека постојат „потенцијални безбедносни проблеми“, поради делумната блокада на федералната администрација.
Согласно Уставот на САД, претседателот е должен еднаш годишно пред Конгресот да поднесе извештај „за состојбата на Унијата“.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри