Пеколни температури во Македонија
Земјава денеска ќе биде зафатена со температури од жолта алертна фаза. Температурата ќе се искачи до 38 степени целзиусови, поради што се апелира до граѓаните да се заштитат од директна сончева изложеност, да избегнуваат престој на отворено во периодот од 11 до 17 часот, да носат светла и лесна облека. При директна изложеност на сонце се препорачува носење на заштитни очила и капа.
Препораката од Комисијата за следење на состојбата и ефектите од високите температури при Министерството за здравство е во текот на ваквите екстремно топли денови, граѓаните да останат во затворени простории, пред се климатизирани, а при неопходен престој на отворен простор во овој период, да се најде можност за почести одмори под сенка.
На хронично болните лица им се препорачува редовно земање на пропишаната терапија.
Се препорачува консумирање лесна храна и течности, а посебно да се внимава при подготовка и консумирање на храната, како и да се избегнуваат термички необработени производи, на пример мајонези од домашни јајца и внимателно да се консумира сладолед и разни кремови. Потребно е внесување поголемо количество течности, најдобро вода за пиење, а да се избегнуваат алкохолните пијалаци. При влегување во возило, се препорачува возилото одреден период да се проветри.
Синпотичарите од денеска до недела најавуваат сончево и многу топло со максимални температури над 35-тиот степен. Од недела во попладневните часови повторно ќе има појава на локален пороен дожд и грмежи, а максималните температури ќе бидат во постепено опаѓање.
Ново на Сител
-
Николоски: Преговорите за изборниот законик во ќор сокак, власта сака да протурка решение без претходна дебата
-
Град Скопје, МТСП и „Комунална хигиена“ се приклучија на акцијата за чистење
-
Собраниската служба се вклучи во акцијата „Администрацијата чисти со Не биди ѓубре“
-
Заев: Прво консултации во СДСМ и со малите партии, потоа одлука за ДУИ
-
Зголемен е бројот на субвенции за печки на пелети и инвертер клими во Кочани
-
Пожар во стан во Тетово - маж потешко повреден, 10 лица затруени од чадот
-
Протест во Струмица против аерозагадувањето
-
Во Битола собрани 500 вреќи комунален отпад