Пекинг и Москва заеднички го осудија американскиот самит на кој не се поканети
– Кинескиот и рускиот амбасадор во Вашингтон заеднички ја осудија одлуката на САД да ги исклучат двете земји од виртуелниот самит за демократија што ќе го организира американскиот претседател Џо Бајден во декември.
САД си дозволуваат да дефинираат „која земја е „демократска“ и која не ги исполнува условите за добивање на тој статус“, што го сметаме за дел од „менталитетот на Студената војна“, изјавија амбасадорите на Русија и Кина Анатолиј Антонов и Чин Ганг за конзервативното списание Нешнл интрест. „Ова повторно ќе ги разгори идеолошките конфликти и глобалните несогласувања и ќе го отвори патот за нови поделби“, предупредија дипломатите, повторувајќи ги критиките од официјален Пекинг и Москва во вторникот, веднаш штом беше објавен списокот од околу 110 земји и територии поканети на самитот.
Отфрлајќи ја идејата за унифициран модел на демократија, кинеските и руските дипломати беа полни со пофалби за режимите во нивните земји, кои, како што наведоа, се засноваат на кинеската „реалност“, односно руските „традиции“. „Нема потреба за загриженост кога станува збор за демократијата во Русија и Кина. Некои странски влади би било подобро да гледаат што им се случува дома. Можеме ли воопшто да зборуваме за слобода во земја каде што демонстрантите се растеруваат со гумени куршуми и солзавец?“, прашуваат амбасадорите. Обајцата го повикуваат Западот да не „се меша во внатрешните работи“ на други земји „под изговор за промовирање на демократските вредности“ и се заложија за „вистински мултилатерализам“ во рамките на Обединетите нации.
Ново на Сител
-
Протест на приватните превозници утре пред ЈСП во Автокоманда
-
Сунак го разреши претседателот на конзервативците поради непочитување на министерскиот кодекс
-
СДСМ: Успешни економски политики на Владата, рекордни инвестиции од 465 милиони евра
-
Две лица се тешко повредени откако со возило „тојота“ излетале од патот
-
Приведени две лица од Косово на „Табановце“ - на пасошка контрола приложиле туѓи пасоши
-
Скопје: Приведени двајца разбојници - од 19 годишник одзеле пари
-
Нетанјаху: Нашиот одговор на тероризмот ќе биде силен, брз и прецизен
-
Зеленски воведе санкции за 185 компании и поединци кои ја поддржуваат Москва