Пехчево одбележува 73 години од ослободувањето
Со низа пригодни свечености, Пехчево денеска ја одбележа 73-годишнината од ослободувањето на градот и 21 години од создавањето на Општина Пехчево како посебна административна целина.
Одбележувањето на овие историски датуми од поновата историја на оваа мала малешевска општина започна со положување цвеќе пред споменикот на борецот од НОБ, Ванчо Китанов, при што пред споменикот се поклонија делегација од Општина Пехчево, претставници на институции, политички партии, здруженија на граѓани и други.
На свечената седница на Советот, пред присутните се обрати претседавачот Стојче Стефановски, кој меѓу другото се задржа на историските прилики кои водеа до ослободувањето, но зборуваше и за развојот на Пехчево од ослободувањето до денес, а сцената ја разубавија и Камерниот мандолински оркестар од Пехчево и децата од детската градинка „7 Септември“ со изведба на песни и ора.
На седницата беа потенцирани реализираните проекти за периодот од 2013-2017 година. Притоа беше истакнато дека Општина Пехчево во овој период има реализирано над 100 проекти со поддршка на Владата, донатори, преку ИПА програмата и со средства од буџетот на Општината.
Градоначалникот Игор Поповски, истакна дека со проектите се опфатени сите селски населби, како и градот Пехчево.
- Во селата Робово, Чифлик, Умлена, Негрево, Црник, Панчарево, се работеше на низа инфратсруктурни проекти со кои ќе се олесни животот на жителите во овие рурални подрачја, рече Поповски.
Тој додаде дека дел од проектите во Пехчево, освен подобрување на инфраструктура, треба да донесат и нови инвестиции во стопанството.
- За мало стопанство или индустриската зона Чуката, донесен е нов детален урбанистички план, а заврши и изградбата на канализација и поставена е пречистителна станица и завршена е продажбата на парцели, донесен е и нов детален урбанистички план на туристичката населба Равна река на која е предвидено продажба на 300 градежни парцели од кои дел се веќе продадени, а завршена е и електрификацијата на Туристичката населба Равна река, истакна Поповски.
На свечената седница на Советот беа доделени благодарници и признанија на граѓани институции кои дале посебен придонес за развојот на Пехчево. Благодарница доби ФК „КИТ - ГО“ за најголем придонес во спортот и развој на фудбалот во Пехчево, како и ученичката Антонела Поповска - за ученик на генерација при ООУ „Ванчо Китанов“ - Пехчево за учебната 2016/2017 година.
Ново на Сител
-
Србија: Приведени четворица припадници на косовската полиција
-
СПМ: Пендаровски секогаш бара вина кај другите
-
Османи: Петмина косовски полицајци се држат во заложништво во Србија
-
Неделков: СОНК нема да дозволи исплата на плата спротивно на Колективниот договор за дејноста култура
-
Над 20 слаби земјотреси регистрирани во Турција
-
Герасимовски: Решен децениски проблем со безбедноста на сообраќајот на улицата ,,Наум Наумовски Борче"
-
Четврти ден штрајк на приватни специјализанти
-
Мицотакис: Да направиме сè што е во наши раце за смирување на кризата на Блискиот исток