Педро Аграмунт избран за нов претседател на ПССЕ

Шпанскиот парламентарец Педро Аграмунт денеска е избран за нов претседател на Парламентарното собрание на Советот на Европа (ПССЕ), јави дописникот на МИА од Стразбур.

Шпанскиот сенатар Аграмунт е член на во Парламентарното Собрание на Советот на Европа од 26 јуни 2000.

На функцијата претседател тој беше избран по договорот меѓу политичките групи во ПССЕ.

Аграмунт, досега беше претседател на Пратеничката група на Европската народна партија, која е најбројната во ПССЕ.

За македонската јавност тој е познат како член на групата што го подготви извештајот на Паневропската асамблеа за користењето на привременото име на Република Македонија во Советот на Европа во 2008 година.

Тој е избран со мандат од една година и со право на реизбор за уште една година.