Пецас: Чувствителноста на господинот Ципрас „за нашиот заеднички дом“, задоцни 4,5 години
Чувствителноста на господинот Ципрас „за нашиот заеднички дом“, задоцни 4,5 години, како што, за жал, покажаа трагични резултати како од поплавата во Мандра, така и од пожарот во Мати, вели заменикот министер и портпарол на грчката влада, Стелиос Пецас во писмената изјава- одговор на ставот на поранешниот премиер на Грција и лидер на СИРИЗА Алексис Ципрас во однос на пожарите во Амазонија, jави дописничката на МИА од Атина.
-Господинот Ципрас, вели дека „не слушна ништо“ за климатските промени за време на неодамнешната посета на премиерот во Париз. Повторно лаги? Затоа, го упатуваме на конкретниот дел од изјавата на Кирјакос Мицоракис на средбата со претседателот на Франција, Емануел Макрон, вели Пецас и го повторува делот од изјавата на Мицотакис во кој тој вели дека ја поздравува глобалната улога на Макрон во Договорите од Париз и порачува „да се осмелиме заедно да поставиме уште поамбициозни цели за Европа да ја претвориме во вистински зелен континент лидер во иновациите во прашањата за енергетска транзиција “.
Одговорот на портпаролот на грчката влада доаѓа откако Ципрас, на Фејсбук напиша дека „Грција мора веднаш да се спротивстави на Договорот ЕУ-Меркозур, сè додека екстремно десничарската влада на Болсонаро одбива да ги преземе нејзините обврски кон животната средина“ и упати критики до актуелниот премиер, Кирјакос Мицотакис.
Поранешниот грчки премиер истакна дека пожарите во Амазонија „се закана, не за некое далечно соседство на планетата, туку за нашиот заеднички дом. За земјата“.
Ново на Сител
-
Тројца приведени за убиството на матичниот доктор кај поликлиниката Железара – мотивот се уште непознат
-
Трет ден потрага по Данка, родителите повторно во станица
-
Предизборно финале – партиите ги финализираат листите
-
Стариот парламент ќе инаугурира нов шеф на државата - конститутивна седница за новите пратеници на 28 мај
-
ОЛАФ бара од Македонија да врати 2,2 милиони евра - злоупотребени пари од Еразмус плус
-
ССМ најавува серија протести, работниците излегуваат на улица
-
Штипските пензионери повторно на протест
-
Глобалниот минимален данок од 15% - закана за 50-тина компании кои работат во зоните кај нас