Патријархот Неофит до Радев: Ќе бараме позитивно решение со МПЦ
Бугарија и Бугарската православна црква се единствени во желбата за развој и продлабочување на односите меѓу Бугарија и Македонија, констатираа денеска бугарскиот претседател Румен Радев и бугарскиот патријарх Неофит.
Патријархот го уверил Радев во добрата волја на Бугарската патријаршија да се бараат патишта за успешно решавање на ова прашање.
За ова ќе се дискутира на состанок на Св. Синод на БПЦ, а темата за автокефалноста на МПЦ ќе биде разгледана и со останатите помесни православни цркви, информирал патријарх Неофит, пренесуваат медиумите во Бугарија.
Патријархот Неофит го запознал Радев со писмото на Македонската православна црква, кое беше испратено до Канцеларијата на Светиот синод на бугарската црква за евхаристичкото единство на БПЦ со МПЦ.
За време на средбата беше истакната важноста на потпишаниот билатерален Договор за пријателство, добрососедство и соработка меѓу двете земји, кој го зајакнува меѓусебната доверба, го поттикнува развојот на билатералните односи и претставува позитивен чекор во процесот на европска интеграција на Македонија
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари