Патник во автобус тешко повреден, девет сообраќајки вчера во Скопје
Патник во автобус се здобил со тешки телесни повреди во една од вкупно девет сообраќајки случени во текот на изминатиот ден на подрачјето на СВР Скопје. Во шест со полесни повреди се здобиле седум лица, а во две била причинета материјална штета.
Од МВР информираат дека вчера сообраќајната полиција открила и санкционирала 13 возачи кои се движеле со брзина поголема од дозволената, шест возачи кои поминале крстосница на црвено светло, еден возач за не давање првенство на минување на пешаците на обележан пешачки премин, еден за неправилно престројување, тројца за не носење заштитен шлем и 11 возачи за користење мобилен телефон за време на управување на моторно возило.
Од сообраќај биле исклучени вкупно 14 лица, од кои 12 пред да се стекнат со право на управување на моторно возило, двајца почетници, како и 12 нерегистрирани возила.
Затекнати биле 84 непрописно паркирани возила, а со специјалното возило „пајак“ биле отстранети 69 возила.
Во текот на денот Одделението за превенција при СВР Скопје ќе реализира едукативни работилници во рамките на проектот „Сообраќајна култура на децата во предучилишните установи“ во ЈУДГ „25 Мај“ објектите „ Пони “ и „Морковче“ на подрачјето на општина Гази Баба.
Ново на Сител
-
Во Тетово прегазен малолетен пешак
-
Утре и во сабота дожд, потоа стабилизирање на времето
-
СЗО за консумирање алкохол и електронски цигари кај адолесцентите: Состојбата е алармантна
-
Белгиски медиуми: Македонија оди во втор круг гласање од кој и зависи европската иднина
-
Ангелов: Граѓаните ја отпишаа СДСМ, сите заедно да ги отпишеме и ДУИ
-
Тројца уапсени во врска со истрагата за поткуп против рускиот заменик министер за одбрана
-
Грчката фрегата соборила беспилотно летало во Црвеното море во рамките на операцијата „Аспидес“
-
Александар Ѓорчевски со нова жалба пред Врховен