Партијата за демократски просперитет на Ромите го повика членството да гласа на претседателските избори
Новоформираната Партија за демократски просперитет на Ромите (ПДПР) ги повика своите членови и ромската популација во целата држава да излезат на претстојните претседателски избори, за да дадат сопствен придонес во унапредувањето на демократските процеси.
На седницата на партискиот Централен и Извршен одбор, што се одржа во Кочани, беше донесен заклучок партијата да им препорача на гласачите во првиот круг од изборите да го дадат својот глас за оној кандидат за кој сметаат дека ќе биде најдобар репрезент на интересите и правата на ромската заедница и на сите граѓани.
– На 5 април го добивме судското решение со кое сме внесени во регистарот на политички партии, со што можеме активно да се вклучиме во предизборниот процес. За сега ќе дејствуваме самостојно, но ако во наредниот период стапиме во коалиција со некоја од партиите кои поддржуваат свои претседателски кандидати, тогаш во вториот круг од изборите и ние ќе се вклучиме со наша поддршка. Планираме до крајот на месецот да го завршиме процесот на формирање општински организации на партијата, а во меѓувреме избравме регионални координатори за полесна и поефикасна комуникација со членството и функционирање на партиските органи. Ги повикуваме сите Роми во државата да излезат на изборите и да гласаат според сопствена слободна волја, истакна Аксел Ахмедовски, претседател на ПДПР.
Партијата за демократски просперитет на Ромите за почеток ќе дејствува во општините од источниот регион на државата, каде, според Ахмедовски, во моменот има околу шест илјади членови.
На седницата на Централниот одбор беше прифатена и инцијативата за пристапување на еден член во Советот на Општина Виница, кој до сега членувал во Партијата за целосна еманципација на Ромите.
Ново на Сител
-
Петмесечно бебе е вториот случај на голема кашлица во прилепско
-
Преглед на вестите од светот
-
Почнува кампањата за парламентарните избори - ВМРО-ДПМНЕ традиционално во Охрид
-
Караванот на СДСМ и коалиција почнува од ИЕ4
-
Специјализантите в понеделник во 5 до 12 ќе штрајкуваат пред Министерството за да ги види и слушне Демири
-
Мицкоски во Охрид на увид во градежни активности во 3 клучни проекти
-
СДСМ ја стартуваше кампањата – нема откажување додека Македонија не стане дел од ЕУ
-
ДУИ: По изборите Османи е шеф на државата, Села спикер, а Бугарите дел од Уставот