Парондо пред мечот со Рајн Некар: Ќе се обидеме да се вратиме со добар резултат
Екипата на Вардар денеска патува за Германија каде утревечер треба да го одигра својотнатпревар со Рајн Некар во рамки на 11-тото коло од групата „А“.
Иако ќе патуваат во некомплетен состав, тренерот на тимот Роберто Парондо изјави дека „црвено-црните“ ќе играат максимално мотивирано со германскиот тим. За Германија не отпатуваа Вуко Борозан, Рожерио Мораеш и Сергеј Горбок.
– Секогаш натпреварите се неизвесни. Традицијата не ја гледаме. Никогаш немавме победа против Веспрем се досега. Затоа поважно е да се фокусираме на играта наша. Секој меч е различен и треба да бидеме различно подготвени според тактиката на противникот. Имаме уште четири натпревари до крајот на групната фаза. Ќе играме со максимално на секој натпревар, зашто секој меч сега е важен, вели Парондо.
На првиот меч во Скопје одигран на 6 октомври лани, Вардарци победија со 29-27. Во досегашните меѓусебни средби, шестпати победувал Вардар, еден меч завршил со реми и двапати победиле Германците. На теренот во Германија тимот има две победи и едно реми.
– Ќе биде тежок натпревар. Рајн Некар е одличен тим. Ќе видиме колку сме спремни. Не сме во добар момент, ни треба повеќе време за тренирање зашто не сме комплетни па треба да комбинираме со тоа што го имаме. Не мачат повреди на повеќемина играчи. Ќе се обидеме да играме добро и да се вратиме со добар резултат, додаде Шпанецот.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри