Свет
1. November 2015 - 11:27

Парламентарни избори во Азербејџан

Во Азербејџан денеска се одржуваат парламентарни избори, кои се очекува уште повеќе да ја зајакнат позицијата на претседател Илхам Алиев, а кои се бојкотирани од опозицијата. 

Околу 5,9 милиони гласачи се повикани да излезат на гласање и да ги изберат 125-те членови на Парламентот со мандат од пет години.

Избирачките места ќе бидат затворени во 15 часот по Гринич. 

Главните опозициски партии, меѓу кои и Националниот совет на демократските сили, партијата „Мусават“ и Демократската партија на Азербејџан одбија да учествуваат на изборите.