-->
-->
Париз ќе засади 170.000 дрва за да ја подобри климата во градот
-->
Париз со години е една од градските средини со прекумерно загадување на воздухот. Сега, престолнината на Франција сака да ја подобри климата во градот со засадување 170.000 нови дрва, јави ДПА.
Дополнителни дрва треба да бидат засадени секаде каде што има простор, по улиците, на плоштадите, во парковите, како и на насипите на градската обиколница, соопшти градската управа.
Целта е борба против климатските промени. Дрвата апсорбираат јаглерод диоксид (CO2), го подобруваат квалитетот на воздухот и придонесуваат за ладење на градот за време на летните топлотни бранови. Покрај тоа, дрвата се природна бариера за бучава и визуелно загадување, што ќе го подобри здравјето на парижаните и ќе го намали стресот.
Париз е веќе еден од најбогатите престолнини со дрва во Европа, нагласи градската администрација. Во самиот град има околу 200.000 дрва, и уште 300.000 во урбаните шуми на Болоња и Винсенс.
Дополнителните дрва треба да бидат засадени до 2026 година. Во првата сезона на садење 2020-21, веќе беа додадени речиси 14.000 млади дрва. Градот работи со своја градина за дрвја за оваа намена.
Помалку од 1,5 проценти од дрвата ќе треба да се исечат од безбедносни причини. Од 2014 година, Париз ги следи дрвата со автоматизиран систем: секое дрво има своја дигитална лична карта и годишно се проверува. Во просек, дрвата по улиците не се постари од 80 години.
Францускиот државен совет летово јасно кажа дека итно се потребни напори за подобрување на климата во Париз. Тој ја казни државата со милиони евра за прекумерно загадување на воздухот во неколку метрополи, вклучувајќи го и Париз.
-->
-->
-->
Ново на Сител
-
Сончево и топло до крајот на неделава со температури до 27 степени
-
Општините ќе одлучуваат дали ќе ги легализираат или рушат дивоградбите
-
Американската централна банка потврди рекордна загуба
-
Приведен крадец во Кочани, расчистени седум кривични дела
-
Џакарта повеќе нема да биде главен град на Индонезија
-
Кралот на Маорите на Нов Зеланд сака на китовите да им даде основни човекови права
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите