Парична награда од 1 милион евра за информација околу убиството на новинарот и неговата девојка
Словачките власти нудат парична награда од еден милион евра за информација која ќе помогне во истрагата за убиството на истражувачкиот новинар во Словачка – објави „Ројтерс“. Европската Унија го осуди нападот и побара темелна истрага.
Истражувачкиот новинар од Словачка, Јан Кучијак и неговата девојка беа убиени во неделата, соопшти полицијата вчера, поврзувајќи го убиството со неговите новинарски текстови.
Безживотните тела на 27-годишниот Кучијак и неговата девојка полицијата ги пронашла во нивниот дом во Велка Маца, источно од Братислава.
Шефот на словачката полиција, Тибор Гаспар, изјавил дека „убиството веројатно е поврзано со неговите истражувачки активности“.
По неговото убиство, премиерот на државата, Роберт Фико, изјавил дека доколку се докаже дека станува збор за убиство, тоа претставува сериозен напад врз слободата на медиумите и демократијата во Словачка.
Словачкиот претседател Андреј Киска побара брза истрага за убиството на истражувачкиот новинар, соопшти Ројтерс.
Ново на Сител
-
Наставниците во Тенеси ќе можат да носат пиштоли на училиште
-
Може да гласаат и граѓаните со истечени лични документи од 24 јули 2023 година
-
Упатство за гласање на претседателските избори
-
Отворени избирачките места, право на глас имаат 1.814.317 граѓани
-
Народниот правобранител со бесплатна телефонска линија за пријавување повреда на избирачко право
-
Граѓаните гласаат за седми претседател на државата
-
Изборните денови 24 април и 8 мај неработни за сите граѓани
-
Јавниот превоз во Скопје со неделен возен ред, жичницата на Водно нема да работи