Свет
24. March 2017 - 9:02

Папата со совети до ЕУ пред нејзиниот роденден

Лидерите на Европската унија денеска ќе примат насоки од папата Франциско пред утрешната прослава во Рим на 60-годишнината од тој блок што се најде во проблеми.

Папата за време на вечерата ќе прими 27 шефови на држави или влади кои имаат задача во престолнината на Италија да договорат нацрт за „заедничка иднина“ на Унијата која наскоро ќе ја напушти Британија.

Папата Франциско претходно нагласи дека верува во иднината на ЕУ каде треба да се вклучат многу поголемо внимание на борбата против општествените неправди отколку што е направено во изминатите шест децении кои пред се беа одбележани со трговска либерализација и монетарна унија.