Папата ја именува првата жена на висока дипломатска должност во Ватикан
Папата Франциск ја именуваше првата жена на висока должност во Државниот секретаријат , дипломатско и административно седиште во Ватикан во кое доминираат мажите.
Италијанската лаикиња Франческа Ди Џовани ќе ја преземе новооснованата позиција во Канцеларијата за Односи со државата каде ќе биде потсекретар, односно една од двајцата заменици на министерот за надворешни работи. Римокатоличката Црква им дозволува само на мажите да ракоположуваат свештеници, а жените традиционално се на маргините на администрацијата.
Но женските здруженија, вклучувајќи ја и главната организација на римокатоличките калуѓерки, веќе долго време го повикуваат папата да именува повеќе жени на високи должности, повикувајќи се на податоците дека повеќе од половина од 1,3 милијарди католици се жени и дека има три пати повеќе жени верници отколку мажи.
Ди Џовани ќе биде задолжена за мултилатерални односи во Државниот секретаријат во кој е вработена од 1993 година. Таа е експерт за меѓународно право и човекови права.
Папата минатата година ги именува првите четири жени советнички на Епископскиот синод, институција основана пред 50 години за припрема на важни бискупски состаноци кои се одржуваат на неколку години и на кои се дискутира за различни теми.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца