Балкан
31. May 2019 - 22:02

Папата Франциско во Романија: Треба да си помагаме меѓусебно

Папата Франциско денеска се сретна со романскиот патријарх Даниел и со членовите на Синодот на Романската православна црква во патријаршијата во Букурешт.

Папата предупреди дека глобализацијата придонесува за искоренување на човечките вредности и порача дека луѓето не смеат да се препуштат на културата на омраза и индивидуализам, пренесува агенцјата Агерпрес.

– Треба да си помагаме меѓусебно да не се препуштиме на заводливоста на културата на омраза и индивидуализам, што не е толку идеолошка како што беше во времето на прогонувањето на атеистите, но е поубедлива и помалку материјалистичка, рече Папата.

Тој потсети дека пред 20 години и папата Јован Павле Втори ја посети Романија и додаде дека сеќавањето на заедничките чекори охрабрува на патот кон иднината.

– Треба заедно да го слушаме Господ, особено во овие времиња кога светските патишта доведоа до брзи општествени и културни промени, рече папата Франциско.