Папата Франциско повика на дијалог и умереност по насилствата во Ерусалим
Папата Франциско изјави дека е загрижен од новите акти на насилство во Ерусалим и повика на дијалог и умереност за во него да се врати мирот, пренесоа британските медиуми.
-Со треперење ги следам големите тензии и насилство во Ерусалим во текот на последните денови. Чувствувам потреба да упатам искрен повик за умереност и дијалог, изјави папата пред верниците кои беа собрани на плоштадот „Свети Петар“.
Папата повика на молитви со надеж дека сите земји ќе дадат предлози за „мир и помирување“.
Тројца Израелци во петокот беа убиени со ладно оружје во еврејска населба на окупираниот Западен брег, неколку часа откако тројца Палестинци загинаа во насилството предизвикано од одлуката на Израел да инсталира детектори за метал на влезовите кон Ридот на храмот. Палестинците се гневни заради камерите и детекторите за метал, инсталирани на контролните пунктови на влезовите кон Ридот на храмот (Благородното светилиште) во Стариот град на Ерусалим - место кое е свето и за муслиманите и за Евреите.
Мерката за безбедност беше воведена откако минатата недела вооружени Палестинци убија двајца израелски полицајци, пред да бидат ликвидирани, потсетуваат американските медиуми.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка