Папата Франциско ја повика Европа да се врати на своите корени
Папата Франциско денеска ја повика Европа да се врати на своите корени во време кога континентот се справува со последиците од бегалската криза, излезот на Велика Британија од ЕУ и „трагичното помрачување на умот“ со религиозното насилство, пренесоа американските медиуми.
Франциско својот годишен надворешно политички говор го посвети на помагање на мирот во епоха на масовни миграции, економска стагнација и воинствен екстремизам низ светот.
Тој пофали неколку европски земји затоа што примиле багалци и ги повика и другите да го следат нивниот пример, иако истовремено се борат со сиромаштијата и другите социјални проблеми, кои можат да го распламтат религиозниот фундаментализам.
Во својот говор пред амбасадорите акредитирани во Светата столица, Франциско ја повика Европа да ги преоткрие своите основни вредносни идеали по повод 60-годишнината од потпишувањето на Римскиот договор, една од главните спогодби што доведоа до создавањето на ЕУ.
-Европа во целина го преживува решавачкиот момент од својата историја, во кој е повикана наново да го открие својот вистински идентитет, рече Франциско.
„Тоа значи дека треба да се врати кон своите корени за да биде во состојба сама да го формира обликот на својата иднина“.
Светиот отец повика и на изградба на нов европски хуманизам, преку кој ќе се осовремени идејата за европската заедница.
Ново на Сител
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми