Македонија
27. September 2017 - 8:35

Панел дискусија за локалниот рурален развој во Македонија

Панел дискусија за иднината на локалниот рурален развој во Македонија и операционализација на мерката за рурален развој на Европската унија „Врски меѓу руралната економија и развојните активности” ЛЕАДЕР, ќе се одржи денеска во Скопје, во организација на Асоцијацијата за иновации во руралната економија.

Целта на дискусијата е создавање на план за понатамошно финансирање на руралниот развој преку локални граѓански организации, односно Локални акциски групи, во рамки на мерката ЛЕАДЕР на Европската унија.

На дискусијата, како што најавуваат организаторите, се очекува да учествуваат министерот за земјоделство, шумарство и водостопанство Љупчо Николовски, заменик амбасадорот на Швајцарија, Стефан Томаџан, директорката за инфраструктура, земјоделство и социјална политика при делегацијата на ЕУ, Вирве Вимпари и претставници од Локални акциски групи од неколку рурални општини.

ЛЕАДЕР мерката е насочена кон создавање на работни места и подобрување на животните стандарди во руралните заедници и функционира преку регионален пристап, раководен од формализирани јавно-приватни партнерства наречени Локални акциски групи