Фудбал
24. јуни 2021 - 13:41

Пандев до Ангеловски: Малку е само да ти кажам благодарам, направивте од нас фамилија

Легендата на македонскиот фудбал, Горан Пандев денеска преку објава на Инстаграм му се заблагодари на селекторот Игор Ангеловски за се што направи за репрезентацијата.

-20.10.2015, прв пат кога се сретнавме во вашите очи видов енергија, сигурност и голема желба да ја вратите репрезентацијата во живот… ги паметам зборвите кога рековте дека ќе направите од репрезентацијата една голема фамилија и дека вашата цел е Македонија да се пласира на Европското првенство. Сите овие години не беше лесно, имаше и многу препреки, но ти гордо ја чуваше нашата фамилија. ШЕФЕ, благодарам е малку да ви кажам. Вие го сплотивте цел македонски народ, вие направивте да се сакаме како браќа во репрезентација и да гинеме еден за друг. Затоа сакам да кажам дека вечно ќе останеш во моето срце, напиша Пандев