Панама им даде азил на двајца врховни судии именувани од опозицијата во Венецуела
Панамската Влада им одобри политички азил на двајца судии од паралелниот Врховен суд создаден во Венецуела од опозицијата.
Министерството за надворешни работи на Панама соопшти дека позитивно одговорило на барањето за политички азил на Густаво Соса Исагуире и на Мануел Антонио Еспиноса Мелет.
Според панамското МНР, двајцата судии отишле во дипломатското претставништво на Панама во Каракас, бидејќи „добивале закани„ и биле „следени“.
Триесет и тројца судии положија заклетва пред Парламентот кој е контролиран од опозицијата. На тој начин беше создаден паралелен Врховен суд, бидејќи според опозицијата сегашните судии во Врховниот суд се именувани незаконски од поранешното мнозинство на Уго Чавес и се послушници на власта.
Претседателот на Венецуела, Николас Мадуро најави строги казни за членовите на паралелната судска институција, како што е затвор и конфискување на имот.
Чилеанските власти, исто така, соопштија дека шестмина венецуелски судии побарале азил во амбасадата на Чиле во Каракас.
Ново на Сител
-
Пристигнаа првите резултати од изборите во Хрватска: ХДЗ освои 58 мандати, СДП и партнерите 44
-
Уапсен 33-годишен скопјанец, истепал полицајци во полициска станица
-
Истепан вработен на ЕВН во Глумово
-
Џафери славеше роденден, семејството го изненади со торта во Владата | ВИДЕО
-
Скопјанец ја истепал поранешната девојка и ѝ го украл накитот
-
24 годишник со „ренџ ровер“ се обидел да прегази полицајци
-
Полицајци одзеле канти со поликолор на момчиња кои пишувале графит
-
Избоден затвореник во прилепскиот затвор