Пакистанскиот премиер со поддршка за Кашмирците
Пакистанскиот премиер Имран Кан денеска им порача на жителите на индискиот дел од Кашмир дека ги поддржува во нивната борба за самоопределување.
Тој во изјавата по повод независноста на Пакистан ја осуди одлуката на индиската Влада, донесена на 5 август, да ја анулира уставната автономија на Кашмир.
Кан празникот го одбележа во пакистанскиот дел на Кашмир, при што изрази солидарност со Кашмирците на индиската страна.
Индиските власти воведоа полициски час во Кашмир со цел да спречат насилна реакција на одлуката на Њу Делхи. Демонстрациите и судирите секојдневно се случуваат, иако полицискиот час и блокираните канали за комуникација во значителна мера ги ограничуваат можностите на демонстрантите.
Се очекува полицискиот час во Кашмир да биде во сила до утре, кога Индија го одбележува Денот на независноста.
Исламабад побара итен состанок на Советот за безбедност на Обединети нации, тврдејќи дека одлуката на индиската Влада го нарушува меѓунаордниот мир и би можело да доведе до етничко чистење и геноцид.
Кашмир е регион за кого Индија и Пакистан со децении имаат спор. Во Кашмир поголемиот број жители се муслимани. Индија го обвинува Пакистан дека финансиски ги поддржува милитантите. Исламабад тврди дека на кашмирските муслимани му пружа само морална и дипломатска поддршка во нивната борба за самоопределување.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање