Пајат: Договорот од Преспа ја отвори евро-атлантската перспектива на сите земји од Западен Балкан
Со секој чекор што го правиме за да ја пречекаме Северна Македонија во НАТО, а се надевам еден ден и во ЕУ, ги зајакнуваме темелите што ги олеснуваат трговијата, економскиот развој и стабилноста, истакна амбасадорот на САД во Грција, Џефри Пајат, за време на конференцијата на грчкиот остров Крит, посветена на 70-годишнината од НАТО и 20-годишнината од членството на Полска, Чешка и Унгарија.
Тој додаде дека овој напредок го олеснува „побивањето на лажните приказни за поделби што другите земји ги користат за ширење нестабилност“.
-Соединетите американски држави веруваат дека Договорот од Преспа отвори можности за напредок на сите земји од Западен Балкан на патот кон евро – атлантските институции, истакна амбасадорот на САД во Грција.
Пајат говореше за позицијата, но и улогата на Грција на Балканот, и нагласи дека успеа да ја преземе водечката улога за стабилизација на поширокиот регион, јави дописничката на МИА од Атина.
-Јасен пример за ова е вратата што се отвори откако Атина го ратификуваше Договорот од Преспа. Благодарение на тоа сега сме во процес да ја донесеме Северна Македонија во нашата алијанса како 30-та членка. Сигурен сум дека има многу лекции што Полска, Унгарија и Чешка можат да ги понудат за процесот за прием во НАТО да оди напред. Исто така сум многу задоволен што гледам колку политичките и воените лидери во Грција и Северна Македонија брзо се зближија по одобрувањето на Договорот од Преспа, за да разговараат за поблиски односи, рече Пајат на конференцијата „Градење трансатлантско семејство – 70 години НАТО, 20 години од членството на Полска, Република Чешка и Унгарија“, одржана во Суда, на грчкиот остров Крит.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок