Пад на вредноста на акциите на Амазон по веста дека Трамп им подготвува нов данок
Вредноста на акциите на светскиот онлајн дистрибутер Амазон денеска падна за неверојатни 52 милијарди долари, откако Белата куќа го отвори прашањето за даночната стапка која ја плаќа компанијата на Џеф Безос.
Според порталот Аксиос, претседателот Доналд Трамп се консултирал со своите советници за можноста да се воведат специјални даночни стапки против Амазон, пред се поради негативниот ефект кој оваа компанија го има врз помалите продавници.
- Во Конгресот сакаат да видат крв од Фејсбук, но претседателот Трамп не е заинтересиран за тоа. Трамп сака да го удри Амазон, објави Аксиос, цитирајќи повеќе високо позиционирани извори во Белата куќа.
Информацијата веднаш предизвика пад на акциите на Амазон, кој дојде непосредно по падот на вредноста на Фејсбук, предизвикана од серијата обвинувања дека оваа компанија соработувала со фирмата Кембриџ Аналитика која работела за предизборната кампања на Трамп.
И додека политичките противници на Трамп го напаѓаат Фејсбук, Амазон го навлече гневот на Трамп откако Безос го купи весникот „Вашингтон Пост“, кој е исклучително критички настроен кон администрацијата на Трамп.
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца