Пациентите со хепатит и со ретки болести во Битола имаат недостаток од терапија

Болните од хепатит од Битола се соочени со предизвикот од недостиг на терапија.  Хепатитот во Западна Европа не е веќе јавно здравствен проблем затоа што има лек за оваа болест, велат од Хепар Центарот од Битола.

- Во Битола и во регионот имаме доста голема потреба од овие лекови бидејќи голем дел пациенти, особено млада група луѓе ќе завршат со поголем степен цироза, оштетување кое би довело до сама трансплантација, што би значело загрозување на животите ако не ај добијат терапијата. Лекот е за елиминација, така шо за само 12 недели овие пациенти можат да бидат тотално здрави, така што апелирам до министерството да ја забрза постапката во однос на хепатитот Ц, позитивната листа за Хепатит Б, со тоа Македонија се вклучува во земјите со можност да го елиминира до 2030 година, изјави МИЛАН МИШКОВИЌ, ХЕПАР ЦЕНТАР БИТОЛА.

И пациентите со ретки болести се соочуваат со проблемот на недостиг на терапија и очекуваат состојбата да се подобри. Минатата година се воведоа три нови лекови и електронски регистар. Моментално се регистрирани 450 лица, а засега се регистрираат пациенти со ретки болести за кои постои терапија.

- Полесно може да се согледа состојбата со различните болести и со количината на лекови со која долго време имавме проблем, немаше доволни количини лекови, недостигаа по два-три месеци, оваа година ќе имаме уште три нови лекови. Во моментот сме во исчекување да излезе тендерто за ретки болести за да може да се направи итна набавка за одредени пациенти кои беа дијагностицирани минатата година, но беа во план за терапија, во план се за оваа година, терапијата ќе биде за многу пациенти подостапка, изјави ВЕСНА АЛЕКСОВСКА, ЗДРУЖЕНИЕ НА ГРАЃАНИ ЗА РЕТКИ БОЛЕСТИ „ЖИВОТ СО ПРЕДИЗВИЦИ“.

Синоќа во Битола како дел од кампањата за одбележување на Денот на ретки болести, се прикажа документарниот филм „Лицата на Лафора“, кој ја прикажува борбата на едно семејство со ретката болест Лафора.