Пациент во Хрватска починал откако по грешка му било инјектирано средство за дезинфекција
Претседателката на Управниот одбор на болницата во Чаковец, Соња Тошиќ-Грлач, изјави дека пациентот на хемодијализа починал откако по грешка му било вбризгано дезинфекциско средство.
Во хрватската јавност кружеа разни информации за тоа како починал 62-годишен пациент за време на рутинска хемодијализа. Болницата прво објави дека е инјектирана погрешна супстанција, додека подоцна управникот на болницата, д-р Томислав Новинчак, рече дека медицинскиот пепарат на пациентот му бил даден интравенски наместо локално.
Запрашан како е можно да се случила таква грешка, д-р Тошиќ-Грлач вели дека дезинфициенсот во болниците е вообичаено средство кое се наоѓа на количките на медицинските сестри. „Грешката е можна и, за жал, се случи“, рече таа, пренесува порталот „Индекс“. Таа додаде дека професионално ќе се спроведе интерен надзор и дека се земени изјавите на учесниците во инцидентот.
„Сè ќе се анализира, внатрешната комисија повторно ќе разговара со сите и ќе донесе мислење, а потоа ќе дојде инспекцијата на Министерството“, рече д-р Тошиќ-Грлач. „Денес полицијата и Државното обвинителство беа во болница и ги интересира што се случи и чија е вината. Тие земаа и документација”, вели Тошиќ-Грлач.
Телото на 62-годишникот е пренесено во Институтот за судска медицина и криминологија во Загреб, каде што треба да се утврди од што точно починал.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка