Ова е прекрасната амбасадорка на Светското фудбалско првенство во Русија

Поранешната мис на Русија, Викторија Лопирева е избрана за амбасадорка на Светското првенство во фудбал, кое ќе се одржи во Русија 2018 година.

Русокосата Викторија, една од најубавите Русинки, е родена во Ростов на Дон во 1983 година. По професија е актерка, манекенка и телевизиска водителка. Пред 12 години е прогласена за мис на Русија, а во 2008 година учествуваше во руската верзија на „Преживеан“.

Нејзините фанови можат подобро да ја запознаат преку социјалните мрежи, а на Инстаграм има дури 627.000 фанови.

Организаторите на Светското првенство во Русија тврдат дека таа многу добро го познава фудбалот.