ОУ „Круме Кепески“ во Кисела Вода енергетски обновено
Заврши реконструкцијата на централното основното училиште „Круме Кепески“ во општина Кисела Вода. Заменети се прозорците и покривот, а изведена е нова фасадна топлинска изолација. Проектот чини 11,3 милиони денари, а средствата се обезбедени од Општината, од Цементарница Усје АД Скопје и од УНДП.
Градоначалничката на Кисела Вода Билјана Беличанец - Алексиќ денеска го посети училиштето заедно со претставникот на УНДП Луиза Винтон и со извршниот директор на Цементарница УСЈЕ Борис Хрисафов.
Беличанец - Алексиќ информира дека најкритична била состојбата со покривот со азбестни плочи и додаде оти при поројни дождови доаѓало до прокиснување и влага.
- Проектот го поделивме во три дела. Во реконструкција на покривот и изолацијата учествуваше УНДП, а во промената на фасадата Цементарица Усје. Општината Кисела Вода, со сопствени средства, од буџетот ја направи промената на прозорците, рече Беличанец-Алексиќ.
Винтон истакна дека ова е одличен пример за соработка меѓу општината, приватниот сектор и Програмата за развој на Обединетите нации.
- Ја намаливме емисијата на стакленички гасови во придонес на климатските промени и обезбедивме подобри училници за учениците и вработените, рече Винтон и изрази надеж дека и другите општини ќе го следат примерот на Кисела Вода.
Хрисафов информира дека компанијата Цементарница Усје постои во општината повеќе од 60 години и додаде оти работат на подобрување на условите на децата, од градинките до средните училишта. Ги охрабри и другите компании да им се приклучат.
ОУ „Круме Кепески“ е изградено во 1961 година и има површина од 2.716 метри квадратни. Има 28 паралелки и 604 ученици.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација