Отворено „Културно лето Карпош 2016“
Македонската пејачка Елена Ристеска синоќа го отвори 9. „Културно лето Карпош 2016“. На платото пред ТЦ „Скопје Сити Мол“ настапија и Бубе Најдановска, Мартија Станојковиќ и Антониа Гиговска.
Мотото на годинашново културно лето во Карпош е „Летно културно освежување и време за хуманост“. Сите граѓани ќе имаат можност на поставените штандови да донираат производи и парични средства, да купат маичка со логото на годинашното издание на Карпошовото културно лето по симболична цена. Собраната донација ќе се достави до семејствата кои настрадаа во неодманешните поплави.
На „Културно лето Карпош 2016“ ќе има изложба на скулптури со звуци од класичната музика на концертното трио Џентлмен, а креативен театарски перформанс ќе одржат беспрекорните стендап комичари Маријан Георгиевски и Никола Тодоровски.
Предвидена е детска програма во чии рамки ќе се одржи театарска претстава со дополнителна музичка програма.
Во следните 15-тина дена ќе настапат и Тони Китановски, „Темпера“, Андријана Јаневска како составен дел од „МИТАН ПРОЕКТ“, Харе и Гиш, хоровите „Кочо Рацин“ и „Борец“, Џина Папас Џокси, Влатко Илиевски, „Силви бенд“. Кон крајот на културното лето, на плоштадот „Делфина“ ќе гостува Хари Мата Хари. Ќе се одржи и диџеј маратон, во чест на диџеј Бабура.
Ново на Сител
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција
-
Две лица загинаа кога воен авион се запали и се урна во близина на Алјаска | ВИДЕО
-
Кампањата на Бајден продолжува да го користи ТикТок иако тој потпиша нацрт-закон за забрана на апликацијата
-
Повеќе скопски општини без струја
-
ОБСЕ/ОДИХР ќе ги соопшти првичните оценки за изборите
-
30 години Тинекс