Отворени сите избирачки места во општините Могила и Новаци

Граѓаните од општините Могила и Новаци кои избираат кандидати за пратеници од Изборната единица 4 утрово точно во 7 часот почнаа да го остваруваат своето демократско право на глас.

Претседателот на општинската изборна комисија во Могила Славко Велевски за МИА изјави дека отворени се 23 избирачки места на кои може да гласаат 5.455 граѓани.

Во општина Новаци, пак, според претседателот на ОИК, Стевче Стевановски, отворени се 24-те гласачки места, а право на гласање имаат 2.985.