Отворени денови на ЕВН Македонија за разумно и безбедно користење на електрична енергија
Во 12 основни училишта во земјава каде се формирани енергетски клубови почна реализацијата на „Отворените денови за едукација за енергетска ефиксаност“ кои се дел од Училишниот проект на ЕВН Македонија. Околу 300 ученици пред наставниците, родителите, претставниците на локалната самоуправа ќе презентираат што научиле и изработиле во текот на целата учебна година.
- Подигнување на свеста за енергетска ефикасност преку континуирана настава за разумно и безбедно користење на електричната енергија е целта на Училишниот проект кој веќе 9 години го организира ЕВН Македонија. Во текот на оваа недела се одржуваа оторени денови во 12 различни училишта ширум Републиката, рече портпаролот на ЕВН Македонија, Атанас Ковачевски.
Тој додаде дека отворените денови се дел од локалните кампањи кои децата ги организираат за едукација на нивните родители, соученици и соседи за значењето на енергетската ефикасност. Сите учесници во Училишниот проект го очекуваат и веќе се подготвуваат за националниот квиз за енергетика, што ќе се одржи во Струга на 26 мај.
Преку современи методи за едукација, досега над 37.000 ученици во основните училишта од четврто до шестто одделение го зголемија знаењето за потеклото на електричната енергија, начините за заштеда, како и за безбедносните мерки при нејзиното користење. Децата, исто така, имаа можност, преку спроведување на локални промотивни кампањи да научат како стекнатото знаење да го пренесат на своите родители, соученици и целата локална заедница.
Училишниот проект на ЕВН Македонија е носител на награда за општествена одговорност и е уникатен пример за соработка меѓу приватниот и граѓанскиот сектор. Партнери во спроведувањето на проектот на ЕВН Македонија се граѓанските организации: Здружение Конект, Центар за енергетска ефикасност на Македонија (МАЦЕФ), Младински совет Охрид, Жетва на знаење од Прилеп и Планетум од Струмица.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово