Отворена посебна сметка за донации за семејствата на настраданите и повредените во трагедијата кај Ласкарци
Гостиварската локална самоуправа отвори посебна донаторска сметка за помош на семејствата на загинатите и на повредените во автобуската несреќа во близина на селото Ласкарци. Одлуката на Советот на Општина Гостивар, за отварање на сметката беше едногласно усвоена на 12-тата седница и таа е веќе активна.
Средства може да се донираат на жиро-сметка број: 716014021578990Приходна шифра: 72591600 Цел на дознака: Поддршка на настраданите во трагедијата во Ласкарци
– Гостиварци и граѓаните на Македонија генерално, отсекогаш знаеле да се покажат како хумани и солидарни. Да го докажеме и овојпат нашиот хуманизам и да ги споделиме болката и загубата заедно со настраданите во најголемата трагедија што го погоди Гостивар, наведуваат од локалната самоуправа.
Жиро-сметката ќе биде отворена на неопределено време, а во зависност од собраните средства, Советот ќе одлучи за начинот и износот што ќе биде доделен поединечно.
Од локалната самоуправа потсетуваат дека семејствата на загинатите и другите патници во сообраќајната несреќа кај селото Ласкарци, можат да поднесат барање за финансиска помош во Општинскиот центар за услуги, што се наоѓа на приземјето на општинската зграда.
– Дел од семејствата и граѓаните на кои им следува оваа еднократна паричната помош, веќе се пријавиле, додека останатите за да го остварат правото мора да поднесат барање, неведуваат од општина Гостивар.
Ново на Сител
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер
-
Експлозија во најголемата романска нафтена рафинерија Петромидија, нема повредени
-
Лавров: Украинскиот план вклучува повлекување на нашата војска од освоените територии
-
Најмалку четири лица загинаа во невремето во Шпанија
-
Земјотрес во Грција со јачина од 5,7 степени
-
Петровска: Судот донесе одлука дека Ковачки неправедно ме клеветел
-
Куќен притвор од 48 часа за две лица поради убиството на лекарот во Железара