-->
-->
Отворена нова градинка во прилепско Големо Коњари
-->
Во прилепското село Големо Коњари денеска беше пуштена во употреба новата градинка во состав на основното училиште „Страшо Пинџур“.
Пред родителите, вработените во градинката и жителите од ова населено место, во употреба ја пушти прилепскиот градоначалник марјан Ристески.
Според него, ова е голем момент за децата и нивните родители од Големо Коњари. Градинката има капацитет да згрижи дваесетина дечиња, а инвестицијата изнесува 600.000 денари.
- Ова е историски момент за прилепско Големо Коњари затоа што за прв пат се отвора градинка со капацитет за сместување на 20-ина дечиња. Комплетната реконструкција чинеше 600.000 денари со преадаптација на дел од просториите во училиштето. Услугите на градинката можат да ги користат и соседните населени места. Во периодот кој што следува ќе работиме на тоа да доколку и во други населени места има вакви простории и нив да ги преадаптираме во градинки. Инаку, во изминатиов период за целокупна реконструкција на училиштето беа инвестирани околу 6 милиони денари. Со овие инвестиции се создадоа одлични услови за работа и учење во ова училиште, рече Ристески.
Христина Трпческа, директор на јавната установа „Наша иднина“ во чиј состав се прилепските детски градинки смета дека Прилеп во изминатиот период особено внимание посвети на зголемување на капацитетите за згрижување и воспитување на децата од предучилишна возраст со отварање на нови објекти наменети за детски градинки или реконструкција и адаптација на постојни објекти, со што значително се зголеми капацитетот, а со тоа и опфатот на деца од 6 години.
- За само неколку години капацитетот на јавната установа „Наша иднина“ се прошири за околу 200 места. Се отворија градинки и во населените места Канатларци, Беровци и Тополчани. Оваа група во Големо Коњари е четврта која се отвора во рурални средини. И таа е 47-ма група на деца во состав на нашата установа, рече Трпческа.
Според информациите од прилепската локална самоуправа во 2013 година беше реконструирана градинката „Бончејца“ во Прилеп, проект вреден 6.700.000 денари, а лани нова градинка беше отворена и во преадаптираните простории на „Работнички универитет“ каде се сместени околу 60-тина деца. Оваа инвестиција чинеше 1,5 милиони денари. Во меѓувреме е завршен тендерот за преадаптација во градинка на првиот кат во основното училиште „Рампо Левката“ и ќе чини 3 милиони денари. Градинката ќе има капацитет за сметстување на 100-тина деца. Овој проект се очекува да биде завршен за околу два месеца.
-->
-->
-->
Ново на Сител
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца
-
Доживотен затвор за Усеин Р. кој со 42 убоди од нож ја уби Танкица Младеновска од Кочани
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи
-
Во поплавите во Пакистан и во Авганистан загинаа приближно 140 луѓе
-
Одреден притвор за заменик директорот на косовската полиција, останатите полицајци ослободени
-
Битолчанец со воздушна пушка од својот балкон пукал кон куче скитник