Отворена изложбата „Антроморфен и зооморфен имагинариум“ од Ангел Димовски-Чауш
Под наслов „Антроморфен и зооморфен имагинариум“ синоќа во ликовната галерија на Центарот за култура „Марко Цепенков“ беше отворена тематската изложба на дела на уметникот Ангел Димовски – Чауш. Пред прилепската публика беа претставени скулптури, цртежи и објекти под заеднички наслов „Антроморфен и зооморфен имагинариум“.
Димовски, кој е роден во Велес, рече дека прв пат се претставува пред прилепската публика.
- Бидејќи прв пат изложувам во Прилеп, претставив нови и дел поранешни мои дела за публиката да има увид во моето творештво. А моето творештво е разновидно, од цртежи, скулптури до употреба на разни материјали во создавањето на делата. Кај уметникот, така и кај мене, инспирациите се неисцрпни. За мене, најголема инспирација била жената. Порано, пред да се запишам на Ликовната академија, студирав историја на уметност и одев на многу локалитети низ Македонија, прегледувајќи ги ископините и сето тоа остави трага врз моето творештво, изјави Димовски.
Ангел Димовски-Чауш зад себе има бројни самостојни и групни изложби во земјата и во странство. Остварил повеќе студиски патувања во Италија, Франција, Шпанија, Германија, Грција, Египет, Турција и САД. Извесен број негови дела се наоѓаат во приватни колекции во Америка, Африка, Франција, Холандија. Член е на ДЛУМ од 1984 година и член е на француското друштво на ликовни уметници „LA MAISON DES ARTISTES“ од 2002 година. Живее и работи како слободен уметник во Македонија и Франција. Застапен е во каталогот на Италијанската издавачка куќа МДС, за 2010/2011 година.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово