Отворена изложба за Климент и Наум Охридски во општина Илинден
Во Домот на културата во општина Илинден е отворена изложбата „Климент и Наум и нивната духовна светлина“.
Изложбата ќе биде отворена до 20 декември, а љубителите на уметноста имаат можност да видат 30-тина дела на дваесеттина автори како Васко Ташковски, Глигор Чемерски, Новица Трајковски, Симон Шемов, Павле Кузмановски, Петар Попчев, Владимир Георгиевски, Стефан Хаџиниколов, Доне Милјановски, Ставре Димитров - Стадим, Илија Аџиевски, Трајче Блажевски, Благој Чушков, Александар Станковски, Симонида Филипова Китановска, Маријета Сидовски и други.
Изложбата ја отвори академскиот сликар Новица Трајковски, а за нејзиното значење говореше претседателот на Асоцијацијата за култура ИКОН, Климе Коробар.
- Свети Климент и Свети Наум се творечка инспирација на сликарите, музичарите, копаничарите и поетите. Тие се отворена тема и мотив, секогаш длабоко инспиративен и благороден за творечка креација, затоа што, преку нивната светлина уште повеќе се зацврстува нашиот идентитет и алките на нашиот духовен континуитет. Ние треба да сме горди и благодарни на Климент и Наум, особено денес кога нашето, како што би рекол Блаже Конески, „смачкано племе“ е од сегде притиснато, неправедно доведено дури и во апсурдна ситуација да го брани сопствениот идентитет, истакна Коробар.
Тој додаде дека создадените дела на македонските уметници говорат за зацврстувањето на корените, почитта и пиететот кон делото на Свети Климент и Свети Наум Охридски.
Со отворањето на изложбата, Домот на културата го почна чествувањето по повод 1100 годишнината од упокојувањето на Свети Климент Охридски што ќе биде одбележано следната година. Изложбата е во организација на Домот на култура „Илинден“ и Асоцијацијата за култура ИКОН.
Ново на Сител
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.