Отворена 16. Недела на италијански јазик во светот
Во организација на Италијанската амбасада во Македонија, денеска во ЕУ Инфо центарот е отворена 16. „Недела на италијанскиот јазик во светот“. Станува збор за најголемата културна манифестација за промоција на италијанскиот јазик и култура, која се одржува традиционално во октомври насекаде во светот каде Италија е претставена преку своите амбасади, конзулати и институти за култура.
„Италијанскиот јазик и креативноста: брендови и традиции, мода и дизајн“ е темата на годинашнава манифестација.
Министерката за култура Елизабета Канческа-Милевска истакна дека оваа манифестација веќе 16 години јасно ги демонстрира меѓусебната доверба и искреното пријателство кои се негуваат меѓу Македонија и Италија. Потсети дека во Македонија се реализирани многу изложби, концерти, театарски претстави и други културни настани на кои се претставија голем број италијански уметници, ансамбли и институции.
- Културата несомнено беше ефикасен медијатор во нашето меѓусебно запознавање и почитување на разликите меѓу нас кои, пак, од друга страна, придонесуваат за богатството на заедничкиот европски и светски културен мозаик, рече Канческа-Милевска. Потсети на потпишувањето на четвртата Програма за соработка во областа на културата, образованието и науката меѓу Република Македонија и Република Италија за периодот 2016-2019 година.
Италијанскиот амбасадор во Македонија Карло Ромео потенцира дека ширењето на италијанскиот јазик е дел од надворешната политика на Италија бидејќи, како што рече, јазикот е патот преку кој минува нашата култура, нашите вредности, нашето гледање на светот.
Тој потсети дека Италија е позната во светот како колевка на уметноста, во сите нејзини форми, а и по своите природни убавини. Додаде дека се повеќе модата и дизајнот се симбол на италијанскиот дух во светот и означува производи кои, како што рече, заедно го одбележуваат, го претставуваат она што ние сакаме да го кажувaме „Made in Italy“.
Проф. д-р. Александра Саржоска, шеф на Катедрата за италијански јазик и литература при Филилошкиот факултет „Блаже Конески“ од Скопје нагласи дека целта на оваа манифестација е да го слави во светот промовирањето на италијанскиот јазик како важен јазик на класичната и современата култура.
Во рамки на манифестацијата, мултимедијалниот уметник и дизајнер Дијана Томиќ - Радевска имаше презентација за италијанската мода, стил и елеганција во светот.
Македонската јавност, благодарение на Италијанскиот институт „Данте Алигиери“ од Скопје годинава ќе има прилика да се запознае и со младата писателка Рафаела Ромањоло, финалистка за 2016 година на најголемата италијанска награда „Стрега“ за романот „Погрешна ќерка“. Македонија ќе биде домаќин и на четвртото издание на Филмскиот фестивал за млади „Џифони-Македонија“, кој ќе биде проследен со филмски проекции на новиот италијански филм.
Ново на Сител
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите