Отворен почесен конзулат на Мароко во Македонија
Почесен конзулат на Кралството Мароко синоќа беше отворен во Скопје. За почесен конзул е назначен Илија Малинковски, истакнат член на бизнис заедницата кој со својата работа придонесува за културното и економско зближување на двете земји.
На свеченоста на која присуствуваа претставници на дипломатскиот кор и на државниот врв, се обрати заменик министерката за надворешни работи Арта Точи, која истакна дека Почесниот конзулат ќе овозможи засилена соработка во повеќе области меѓу двете земји.
- Како дополнување на одличните односи меѓу Македонија и Мароко и динамичната соработка со Амбасадата на Мароко во Софија, јас сум сигурна дека активностите на Почесниот конзулат ќе отворат нови можности за зајакнување на соработката во многу области од заеднички интерес за нашите земји, особено во областите на економијата, трговијата и инвестициите. И двете наши земји имаат голем потенцијал во овој поглед и не се сомневам дека Почесниот конзул ќе може да даде дополнителен импулс и успешно да придонесе за натамошно збогатување на нашите односи и соработка, изјави Точи.
Мароканската амбасадорка Закиа Ел Мидаоуи, на свеченоста истакна дека официјалната инаугурација на Почесниот конзулат на Кралството Мароко во Република Македонија го одразува фактот дека двете земји придаваат фундаментална вредност за зајакнување на нивните билатерални односи во многу области и сектори од заеднички интерес.
- Почесниот конзулат, кој е претставување на Кралството Мароко во Република Македонија, ќе послужи како катализатор за трговија и инвестиции меѓу нашите две пријателски земји. Неговата главна улога ќе биде, меѓу другото, промовирање на мароканската култура, нејзината економија и интензивирање на билатералната соработка, истакна Ел Мидаоуи.
Почесниот конзул Малинковски изјави дека оваа важна функција за него е голема чест, а културното зближување и економската соработка на двете земји е негова мисија.
Република Македонија и Кралството Мароко воспоставија дипломатски односи на 18-ти септември 2002 година.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово