Македонија
25. August 2019 - 14:42

Отворен куп во кајак на диви води – слалом на реката Вардар кај Демир Капија

Отворен куп во кајак на диви води – слалом се реализира на реката Вардар кај Демир Капија. По пауза од 17 години, настанот го организира возобновениот Кајакарски кану клуб „Просек” Демир Капија,  во соработка  со Општина  Демир Капија и Кајакарската Федерација.

– Учествуваат педесетина учесници од повеќе клубови од земјава и еден клуб од Србија. Се натпреваруваат во пионерска, јуниорска и сениорска конкуренција. Најмладиот натпреварувач има 10, а највозрасниот 69 години. Се тече во најдобар ред, истакнаа од „Просек” за МИА.

Најдобрите ќе добијат пехари, медали и подароци од спонзорите на првенството.

Задоволство од враќањето на традицијата со цел  промовирање на демиркаписките природни богатства,  како реката Вардар, но и спортот како здрав начин на живот, изрази и градоначалникот Лазар Петров. Тој потсети дека Демир Капија секогаш имала кајакарски потенцијал, а кајакарството како љубов се пренесува од генерации на генерации.