-->
-->
Отворен 15. Меѓународен стрип салон „Велес 2017“
-->
Во организација на Стрип центарот на Македонија-Велес синоќа во велешкиот Ликовниот салон беше отворен 15-от Меѓународен стрип салон „Велес 2017“
На свеченото отворање беше претставена изложба на 192 пристигнати стрип дела од автори од над 40 земји.
Ване Трајков претседател на СЦМ-Велес информира дека годинава имало силна конкуренција за наградите и дека првонаградениот со второ и третонаградените се разликувале за нијанса.
- Интернационалниот Стрип салон во сите изминати 15 години во многу придонесе за развој на стрипот во Македонија и презентирање и откривање на нови стрип автори од цел свет, а посебно на млади автори од Македонија, потенцира Трајков.
Поради отсуство, најголем дел од наградените синоќа не ги примија наградите, а организаторите ветија дека ќе им ги испратат.
Беше доделена наградата „Златен стрип“ на Фран Струкан и Дарко Мацан од Хрватска, како и втората и третата награда.
Еден од ретките што ја прими наградата беше Александар Стеванов кој го доби признанието „Љупчо Филипов“ за 2017 година, кое се доделува за развој и афирмација на стрипот во Македонија.
Наградениот Александар Стеванов, потенцира дека наградата многу му значи бидејќи е насловена со името на починатиот доајен на македонскиот стрип Љупчо Филипов, а кој за жал не успеал да го запознае за неговиот живот.
- За мене наградата ќе значи пред се’, мотив плус за понатамошна работа, рече Стеванов.
Инаку, покрај бројните успеси од минатите години оваа година за Стеванов е значајна по тоа што го објави стрипот/сликовница „Девојче на Месечината“ во издание на „Стрип квадрат“.
Стрип салонот продолжува денеска со предавање на тема „Стрипот и општеството“ од страна на Зоран Стефановиќ-стрип теоретичар од Белград. Ќе се одржи и практична стрип работилница од страна на проф. Владимир Весовиќ од Белград.
Од Стрип центарот на Македонија–Велес ги покануваат сите љубителите на стрипот и стрип уметноста денеска да дојдат во Ликовниот салон во Велес и да се вклучат во работата на годинашната стрип работилница.
-->
-->
-->
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка