Отворен 14. Интернационален фолклорен фестивал „Велес“
Со свечено дефиле низ улиците, синоќа во Велес почна програмата на годинашниот, 14-ти Интернационален фолклорен фестивал „Велес 2017“ кој ќе трае до 8 јули.
Свеченото отворање беше на сцената на отворено во Младинскиот парк, а во својство на организатор фестивалот го прогласи за отворен градоначалникот Славчо Чадиев.
- И годинава песната и музиката нека ги спојуваат народите и нека бидат мостови на пријателство и соработка меѓу нив, порача велешкиот градоначалник.
На првата вечер пред преполниот амфитеатар со повеќеилјадна публика настапија културно-уметничките друштва „Керамичар“ од Велес, „Текстилац“ од Црна Гора, „Абрашевиќ од Србија, домашните ансамбли „Александар Турунџев“ и „Македонија“, како и ансамбли од Бугарија, Хрватска и Полска.
Годинава учествуваат играорци од Хрватска, Црна Гора, Србија, Бугарија, Романија, Словенија, Полска и Австралија. Најавен е и настап на два ансамбла од една источноевропска земја која ќе биде изненадување на ова издание на фестивалот. Домашните ансамбли се од Велес, Скопје, Битола, Делчево, Радовиш и Богданци.
Втората фестивалска вечер денеска ќе почне во 20.30 часот во амфитетарот на Младинскиот парк, каде што ќе настапат ансамбли од Македонија, Бугарија, Австралија, Хрватска, Србија и Црна Гора.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка