Отворање Почесен конзулат на Руската федерација во Битола
Во Битола денеска свечено ќе биде отворен Почесниот конзулат на Руската Федерација во Република Македонија.
Конзулатот ќе има за цел да ја унапреди економската соработка помеѓу руските и македонските компании, развој на билатералните односи како и промовирање на руските културни и традиционални вредности во Република Македонија.
Во состав на конзулатот ќе има информативен центар, сала за состаноци, музејско-изложбен простор и библиотека, а тука ќе биде сместена и официјалната канцеларија на рускиот конзул. Почесниот конзул на Руската Федерација во Македонија, Сергеј Самсоненко има надлежност на конзулски округ кој ги вклучува териториите на општините Битола, Прилеп, Крушево, Могила, Кривогаштани и Новаци.
На отворањето ќе се обратат Илија Исајловски, заменик министер за надворешни работи на Република Македонија и поранешен македонски амбасадор во Руската Федерација, неговата екселенција Олег Шчербак и почесниот руски конзул Сергеј Самсоненко. Најавено е присуство на претставници од дипломатскиот корпус и локалната самоуправа на конзуларниот округ.
По обраќањата, поглаварот на Македонската православна црква г.г. Стефан ќе изврши молитвено осветување на конзулатот.
Вечерта по овој повод на Широк Сокак концерт ќе одржат Викторија Лоба и Елена Ристеска.
Ново на Сител
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО