Откупот на тутунот се одвива без проблеми
Откупот на тутунот од годинешнава реколта во Прилеп се одвива без проблеми, а така е на ниво на цела држава. Ова денеска го соопшти директорот на Државниот инспекторат за земјоделство, шумарство и водостопанство, Јане Станкоски кој на оваа тема разговараше со градоначалникот на Прилеп, Илија Јованоски.
- Откупот на ниво на целата држава, а секако и во прилепска општина се одвива без проблеми. Од пријавените девет откупни фирми, досега тутунот го преземаат осум претпријатија. До последниот рок за започнување на откупната кампања 15 декември, се очекува и последната откупна фирма да обезбеди средства и да почне со откуп. Преземени се околу 7000 од околу 23.000 тони тутун, колку што се очекува да биде тешка годинешната реколта и постигната е просечна откупна цена од 204 денари за килограм тутун. Исплатата ќе се врши, така како што е дефинирано во потпишаните договори на кооперантите со откупните фирми, соопшти Станкоски.
Прилеп е најголемо тутунопроизводствено подрачје во Македонија. Дел кооперанти живеат само од тутунопроизводство. Оттука особено е значајно откупот на реколтата да се врши согласно законските прописи и регулатива.
Откупната кампања според Законот за тутун, треба да заврши на 15 март.
Ново на Сител
-
Вештачењето откри - Избришани повици и пораки од телефонот на мајката на исчезнатата Данка
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто